25 Langit Mga Talata sa Bibliya

"Sapagkat ang ating pakikipagbaka ay hindi laban sa laman at dugo, kundi laban sa mga pamunuan, laban sa mga kapangyarihan, laban sa mga namamahala ng kadilimang ito sa sanglibutan, laban sa mga espirituwal na kabagsikan sa mga dakong kaitaasan."

"Ngunit ang ating Diyos ay nasa mga langit: kaniyang ginawa ang anomang kaniyang kinalugdan."

"At sa Hades na nasa mga pagdurusa ay itiningin niya ang kaniyang mga mata, at natanaw sa malayo si Abraham, at si Lazaro ay nasa kaniyang sinapupunan. At siya'y sumigaw at sinabi, Amang Abraham, maawa ka sa akin, at suguin mo si Lazaro, upang itubog niya ang dulo ng kaniyang daliri sa tubig, at palamigin ang aking dila; sapagkat ako'y nagdarahop sa alab na ito."

"Saan ako paroroon na mula sa iyong Espiritu? O saan ako tatakas na mula sa iyong harapan? Kung sumampa ako sa langit, ikaw ay nandoon: kung gawin ko ang aking higaan sa Sheol, narito, ikaw ay nandoon."

"Sapagkat nalalaman natin na kung ang ating bahay na tabernakulo sa lupa ay masira, ay mayroon tayong isang gusaling mula sa Diyos, isang bahay na hindi gawa ng mga kamay, walang hanggan sa langit."

"Ang tulong sa atin ay nasa pangalan ng Panginoon, na siyang gumawa ng langit at lupa."

"Siya na nagtatayo ng kaniyang mga silid sa langit, at naglalagay ng kaniyang arko sa lupa; siya na tumatawag sa mga tubig ng dagat at ibinubuhos sa ibabaw ng lupa; ang Panginoon ay kaniyang pangalan."

"Sa pamamagitan ng salita ng Panginoon ay nagawa ang mga langit; at lahat ng natatanaw doon ay sa pamamagitan ng hinga ng kaniyang bibig."

"Nang pasimula ay nilikha ng Diyos ang langit at ang lupa. At ang lupa ay walang anyo at walang laman; at ang kadiliman ay sumasa ibabaw ng kalaliman: at ang Espiritu ng Diyos ay sumasailalim sa ibabaw ng tubig."

"Mula noon ay nagpasimulang nangaral si Jesus, at nagsabi, “Mangagsisi kayo; sapagkat malapit na ang kaharian ng langit.”"

"Sinasabi ko sa inyo, na gayon din magkakaroon ng higit na kagalakan sa langit dahil sa isang makasalanang nagsisisi, kaysa siyamnapu't siyam na taong matutuwid na walang kailangang pagsisisi."

"Mga minamahal, ngayon ay mga anak tayo ng Diyos, at hindi pa nahahayag kung magiging ano tayo. Nalalaman natin na kung siya'y mahayag, tayo ay magiging katulad niya, sapagkat siya'y ating makikita kung ano siya. At ang bawat taong may ganitong pag-asa sa kaniya ay naglilinis ng kaniyang sarili, gaya niya na dalisay."

"Ngunit sinabi ni Jesus, “Pabayaang lumapit sa akin ang maliliit na bata, at huwag ninyo silang pagbawalan, sapagkat sa mga katulad nila nauukol ang kaharian ng langit.”"

"Sapagkat nalalaman natin na kung ang aming makalupang bahay na tolda ay masira, ay mayroon kaming isang gusaling mula sa Diyos, isang bahay na hindi gawa ng mga kamay, walang hanggan sa kalangitan."

"Mapalad ang mga may mapagpakumbabang espiritu, sapagkat sa kanila ang kaharian ng langit."

"Purihin ang Diyos at Ama ng ating Panginoong Jesu-Cristo, na siyang nagpala sa atin kay Cristo ng bawat pagpapalang espirituwal sa mga dako ng kalangitan."

"Sumagot si Jesus, “Kung ibig mong maging perpekto, humayo ka, ipagbili mo ang iyong mga ari-arian at ibigay mo sa mga mahihirap, at magkakaroon ka ng kayamanan sa langit. Pagkatapos ay pumarito ka, sumunod ka sa akin.”"

"Sa bahay ng aking Ama ay maraming tahanan; kung hindi gayon, ay sinabi ko sana sa inyo; sapagkat ako'y paroroon upang ipaghanda ko kayo ng isang dako."

"At dinala niya sila sa labas hanggang sa malapit sa Betania, at itinaas niya ang kanyang mga kamay, at sila'y pinagpala. At nangyari, samantalang sila'y pinagpapala niya, siya ay humiwalay sa kanila, at dinala sa langit."

"Ang Panginoong Jesus nga, pagkatapos na makapagsalita sa kanila, ay tinanggap sa langit, at lumuklok sa kanan ng Diyos."

"At pagkasabi niya ng mga bagay na ito, samantalang sila'y tumitingin, siya'y dinala sa itaas; at siya've tinanggap ng isang ulap at ikubli sa kanilang paningin."

"At samantalang sila'y nakatitig sa langit habang siya'y pumapailanlang, narito, dalawang lalaking nakadamit-puti ang tumayo sa tabi nila, na nangagsabi, “Kayong mga lalaking taga-Galilea, bakit kayo nakatayo rito at tumitingin sa langit? Itong si Jesus na tinanggap sa langit mula sa inyo, ay pariritong muli sa gayon ding paraan ayon sa inyong nakitang pagparoon niya sa langit.”"

"Sapagkat ang Panginoon din ang bababang mula sa langit, na may isang sigaw, may tinig ng arkanghel, at may pakakak ng Diyos: at ang nangamatay kay Cristo ay unang mangababuhay na maguli; Kung magkagayon, tayong nangabubuhay, na nangatitira, ay aagawíng kasama nila sa mga ulap, upang salubungin ang Panginoon sa hangin: at sa ganito'y sasa Panginoon tayo magpakailanman."

"Ah Panginoong Diyos! narito, iyong ginawa ang langit at ang lupa sa pamamagitan ng iyong dakilang kapangyarihan at sa pamamagitan ng iyong bisig na unat; walang bagay na lalong mahirap sa iyo:"

"Ang magtagumpay ay daramtan ng gayon ng mga puting damit; at hindi ko kailanman papawiin ang kaniyang pangalan sa aklat ng buhay, at ipahahayag ko ang kaniyang pangalan sa harapan ng aking Ama, at sa harapan ng kaniyang mga anghel."