51 Kasalanan Mga Talata sa Bibliya

"Itatag mo ang aking mga hakbang sa iyong salita; at huwag mong itulot na anomang kasamaan ay magkaroon ng kapangyarihan sa akin."

"Ang gumagawa ng kasalanan ay sa diyablo; sapagkat ang diyablo ay nagkakasala buhat pa sa pasimula. Sa bagay na ito ay nahayag ang Anak ng Diyos, upang iwasak ang mga gawa ng diyablo."

"Narinig ninyong sinabi, Huwag kang mangangalunya: Datapuwat sinasabi ko sa inyo, na ang bawat tumingin sa isang babae na may masamang pita ay nagkasala na sa kaniya ng pangangalunya sa kaniyang puso."

"Ano nga ang ating sasabihin? Ang kautusan ba ay kasalanan? Huwag nawang mangyari. Datapuwat, hindi ko sana nakilala ang kasalanan, kundi sa pamamagitan ng kautusan: sapagkat hindi ko sana naalaman ang pag-iimbot, kung hindi sinasabi ng kautusan, Huwag kang mag-iimbot."

"Kayo'y nagnanasa, at walang mayroon: kayo'y nanggugulo at nangingimbulo, at hindi maaaring makakamit: kayo'y nag-aaway at nagdidigma; kayo't walang mayroon, sapagkat hindi kayo humihingi."

"Sinasabi ko nga, Magsilakad kayo ayon sa Espiritu, at huwag ninyong tuparin ang mga pita ng laman."

"At ang mga nangasa laman ay hindi makapaglulugod sa Diyos."

"Sapagkat marami ang mamatay nang dahil sa isang taong matuwid: bagaman dangan at sa isang taong mabuti ay baka may mangahas mamatay. Datapuwat ipinagtatagubilin ng Diyos ang kaniyang pag-ibig sa atin, na, nang tayo'y mga makasalanan pa, si Cristo ay namatay dahil sa atin."

"At sinabi ng Panginoong Diyos, Narito, ang tao'y naging parang isa sa atin, na nakakakilala ng mabuti at ng masama; at baka ngayon ay iunat ang kaniyang kamay at pumitas din sa punongkahoy ng buhay, at kumain, at mabuhay magpakailan man: Kaya't pinalayas siya ng Panginoong Diyos sa halamanan ng Eden, upang kaniyang sakahin ang lupang pinagkunan sa kaniya."

"Mga kapatid, kung ang sinoman ay masumpungan sa anomang pagkakasala, kayong mga espirituwal ay inyong papanumbalikin ang gayon sa espiritu ng kaamuan; na lumingon ka sa iyong sarili, baka ikaw naman ay matukso."

"Gumising kayo nang tumpak, at huwag mangagkasala; sapagkat may mga taong walang pagkakilala sa Diyos: sinasabi ko ito upang kayo'y mangahiya."

"Kayo'y mangagsisi, at kayo'y magsipagbalik-loob mula sa lahat ng inyong mga pagsalangsang; sa gayo'y ang kasamaan ay hindi magiging inyong kapahamakan."

"At huwag din naman ninyong ihandog ang inyong mga sangkap sa kasalanan na pinakakasangkapan ng kalikuan; kundi ihandog ninyo ang inyong sarili sa Diyos, na tulad sa nangabuhay sa mga patay, at ang inyong mga sangkap na pinakakasangkapan ng katuwiran sa Diyos."

"Ngunit kung ang masama ay humiwalay sa lahat ng kaniyang mga kasalanan na kaniyang nangagawa, at tuparin ang lahat ng aking mga palatuntunan, at gawin ang matuwid at tama, siya'y walang pagsalang mabubuhay, siya'y hindi mamamatay."

"Aking pinawi na parang makapal na ulap ang iyong mga pagsalangsang, at parang ulap ang iyong mga kasalanan: magbalik-loob ka sa akin; sapagkat tinubos kita."

"Hindi ako naparito upang tawagin ang mga matuwid, kundi ang mga makasalanan sa pagsisisi."

"Patayin nga ninyo ang inyong mga sangkap ng katawan na nangasasa ibabaw ng lupa: pakikiapid, karumihan, masamang pita, masasamang nasa, at kasakiman, na siyang pagsamba sa mga diyos-diyosan."

"Magsilapit kayo sa Diyos, at siya'y lalapit sa inyo. Maglinis kayo ng inyong mga kamay, kayong mga makasalanan; at dalisayin ninyo ang inyong mga puso, kayong mga may dalawang pag-iisip."

"Nang ako'y tumahimik, ang aking mga buto ay nangatuyo dahil sa aking pagdaing sa buong araw."

"Kami ay nangagkasala, at nangagpakasama, at nanggagawa ng kasamaan, at nangaghimagsik, oo, na kami'y nangahiwalay sa iyong mga utos at sa iyong mga kahatulan."

"Sapagkat ang lahat ay nangagkasala nga, at hindi nangakaabot sa kaluwalhatian ng Diyos; palibhasa'y inaring-ganap nang walang bayad ng kaniyang biyaya sa pamamagitan ng pagtubos na nasa kay Cristo Jesus."

"At mangyayari, pagka siya'y naging makasalanan sa isa sa mga bagay na ito, ay kaniyang ipahahayag ang bagay na kaniyang ipagkasala."

"Kaya nga mangagsisi kayo, and magsipagbalik-loob, upang mapawi ang inyong mga kasalanan, upang kung kaya dumating ang mga panahon ng kaginhawahan mula sa harapan ng Panginoon."

"Kung ipinahahayag natin ang ating mga kasalanan, ay tapat at banal siya na tayo'y patatawarin sa ating mga kasalanan, at tayo'y lilinisin sa lahat ng kalikuan."

"Ang nagtatakip ng kaniyang mga pagsalangsang ay hindi kakahantungan ng mabuti: ngunit ang nagpapahayag at nagtatakuwil ng mga yaon ay magkakamit ng kaawaan."

"Aking kinilala ang aking kasalanan sa iyo, at ang aking kasamaan ay hindi ko ikubli: aking sinabi, aking ipahahayag ang aking mga pagsalangsang sa Panginoon; at iyong ipinatawad ang kasamaan ng aking kasalanan."

"Siya'y muling magpapakita ng habag sa atin; kaniyang yayapakan ang ating mga kasamaan; at iyong ihahagis ang lahat nilang kasalanan sa mga kalaliman ng dagat."

"Sapagkat tayo'y walang isang dakilang saserdote na hindi maaaring magdamay sa ating mga kahinaan, kundi isa na tinukso sa lahat ng mga paraan gaya natin, gayon ma'y walang kasalanan."

"At nangadilat ang mga mata nilang dalawa, at kanilang nalaman na sila'y mga hubad; at sila'y nagnahi ng mga dahon ng puno ng igos, at gumawa ng mga panakip sa sarili."

"Lumayo kayo sa pakikiapid. Ang bawat kasalanan na gawin ng tao ay nasa labas ng katawan; ngunit ang nagkakasala sa pakikiapid ay nagkakasala laban sa kanyang sariling katawan."