25 Kamatayan Mga Talata sa Bibliya

"Sapagkat marami ang mamatay nang dahil sa isang taong matuwid: bagaman dangan at sa isang taong mabuti ay baka may mangahas mamatay. Datapuwat ipinagtatagubilin ng Diyos ang kaniyang pag-ibig sa atin, na, nang tayo'y mga makasalanan pa, si Cristo ay namatay dahil sa atin."

"At, narito, sa araw na ito ay pumapasok ako sa lakad ng buong lupa: at inyong talastas sa buong puso ninyo at sa buong kaluluwa ninyo, na walang isang bagay na nagkulang sa lahat ng mga mabuting bagay na sinalita ng Panginoon ninyong Diyos tungkol sa inyo; lahat ay nangyari sa inyo, walang isang bagay na nagkulang doon."

"Kayo'y sa inyong amang diyablo, at ang mga nais ng inyong ama ang ibig ninyong gawin. Siya'y isang mamamatay-tao buhat pa sa pasimula, at hindi nananatili sa katotohanan, sapagkat walang katotohanan sa kaniya. Pagka nagsasalita siya ng kasinungalingan, ay nagsasalita siya ng sa ganang kaniya: sapagkat siya'y isang sinungaling, at ama nito."

"Mapalad at banal ang may bahagi sa unang pagkabuhay na maguli: sa mga ito'y walang kapangyarihan ang ikalawang kamatayan; kundi sila'y magiging mga saserdote ng Diyos at ni Cristo, at mangaghahari silang kasama niya sa loob ng isang libong taon."

"Sapagkat yamang sa pamamagitan ng tao ay dumating ang kamatayan, sa pamamagitan din naman ng tao ay dumating ang pagkabuhay na maguli sa mga patay."

"At sa Hades na nasa mga pagdurusa ay itiningin niya ang kaniyang mga mata, at natanaw sa malayo si Abraham, at si Lazaro ay nasa kaniyang sinapupunan. At siya'y sumigaw at sinabi, Amang Abraham, maawa ka sa akin, at suguin mo si Lazaro, upang itubog niya ang dulo ng kaniyang daliri sa tubig, at palamigin ang aking dila; sapagkat ako'y nagdarahop sa alab na ito."

"Sapagkat ang sinomang mag-ibig iligtas ang kaniyang buhay ay mawawalan nito: at ang sinomang mawalan ng kaniyang buhay dahil sa akin ay makakasumpong nito."

"Saan ako paroroon na mula sa iyong Espiritu? O saan ako tatakas na mula sa iyong harapan? Kung sumampa ako sa langit, ikaw ay nandoon: kung gawin ko ang aking higaan sa Sheol, narito, ikaw ay nandoon."

"At narinig ko ang isang malakas na tinig na mula sa luklukan, na nagsasabi, Narito, ang tabernakulo ng Diyos ay nasa mga tao, at siya'y mananahan sa kanila, at sila'y magiging mga bayan niya, at ang Diyos din ang sasa kanila, at magiging Diyos nila: At papahirin niya ang bawat luha sa kanilang mga mata; at hindi na magkakaroon ng kamatayan; hindi na magkakaroon pa ng kalungkutan, o ng pag-iyak, o ng pighati man: ang mga unang bagay ay lumipas na."

"Sapagkat nalalaman natin na kung ang ating bahay na tabernakulo sa lupa ay masira, ay mayroon tayong isang gusaling mula sa Diyos, isang bahay na hindi gawa ng mga kamay, walang hanggan sa langit."

"Sapagkat ako'y nagigipit sa magkabila, na may nasang umalis at makasama ni Cristo; sapagkat ito'y lalong mabuti: Gayon ma'y ang manatili sa laman ay lalong kailangan dahil sa inyo."

"Sapagkat kung paanong kay Adam ang lahat ay nangamamamatay, gayon din naman kay Cristo ang lahat ay bubuhayin."

"Tapat ang pasabi: Sapagkat kung tayo'y nangamatay na kasama niya, ay mangabubuhay naman tayong kasama niya:"

"Ilagay mo akong parang tatak sa iyong puso, parang tatak sa iyong bisig: sapagkat ang pag-ibig ay malakas parang kamatayan; ang paninibugho ay mabagsik parang Sheol: ang mga dila niyan ay mga dila ng apoy, na may marubdob na nagaalab."

"Sapagkat kung tayo'y nangabubuhay, sa Panginoon tayo'y nangabubuhay; o kung tayo'y nangamamatay, sa Panginoon tayo'y nangamamatay: kaya't sa mabuhay tayo, o sa mamatay tayo, tayo'y sa Panginoon."

"Sapagkat sa ganang akin ang mabuhay ay si Cristo, at ang mamatay ay pakinabang."

"Sinabi sa kaniya ni Jesus, Ako ang pagkabuhay na maguli, at ang buhay: ang sumasampalataya sa akin, bagama't siya'y mamatay, gayon ma'y mabubuhay siya; At ang bawat nabubuhay at sumasampalataya sa akin ay hindi mamatay magpakailanman. Sinasampalatayanan mo ba ito?"

"At si Jesus, na sumigaw ng malakas na tinig, ay nagsabi, Ama, sa mga kamay mo ay ipinagtatagubilin ko ang aking espiritu: at pagkasabi nito, ay nalagot ang hininga."

"Oo, bagaman ako'y lumalakad sa libis ng lilim ng kamatayan, wala akong kakatkutang kasamaan; sapagkat ikaw ay sumasaakin; ang iyong pamalo at ang iyong tungkod, ay inaaliw ako."

"May kasiyahan ba ako sa kamatayan ng masama? sabi ng Panginoong Diyos; at hindi baga na siya'y humiwalay sa kaniyang lakad, at mabuhay?"

"Sapagkat wala akong kasayahan sa kamatayan ng namamatay, sabi ng Panginoong Diyos: kaya't mangagbalik-loob kayo, at mangabuhay."

"Sapagkat nalalaman natin na kung ang aming makalupang bahay na tolda ay masira, ay mayroon kaming isang gusaling mula sa Diyos, isang bahay na hindi gawa ng mga kamay, walang hanggan sa kalangitan."

"At huwag kayong mangatakot sa mga nagsisipatay ng katawan, datapuwat hindi nangakakapatay sa kaluluwa: kundi lalo ang katakutan ninyo ang makasisira sa kaluluwa at sa katawan sa impiyerno."

"Sapagkat ang Panginoon din ang bababang mula sa langit, na may isang sigaw, may tinig ng arkanghel, at may pakakak ng Diyos: at ang nangamatay kay Cristo ay unang mangababuhay na maguli; Kung magkagayon, tayong nangabubuhay, na nangatitira, ay aagawíng kasama nila sa mga ulap, upang salubungin ang Panginoon sa hangin: at sa ganito'y sasa Panginoon tayo magpakailanman."

"Sapagkat ako'y naniniwalang lubos, na kahit ang kamatayan, kahit ang buhay, kahit ang mga anghel, kahit ang mga pamunuan, kahit ang mga bagay na kasalukuyan, kahit ang mga bagay na darating, kahit ang mga kapangyarihan, Kahit ang kataasan, kahit ang kababaan, alin mang ibang nilalang, ay hindi makahihiwalay sa atin sa pag-ibig ng Diyos, na nasa kay Cristo Jesus na Panginoon natin."