43 Pagsunod Mga Talata sa Bibliya

"Itatag mo ang aking mga hakbang sa iyong salita; at huwag mong itulot na anomang kasamaan ay magkaroon ng kapangyarihan sa akin."

"At sa inyo'y magiging panabit, upang inyong mamasdan, at inyong maalaala ang lahat ng utos ng Panginoon, at inyong gawin; at upang huwag kayong sumunod sa inyong sariling puso at sa inyong sariling mga mata, na siyang ipinangangalunya ninyo;"

"At ang sanlibutan ay lumilipas, at ang pita niyaon: datapuwat ang gumagawa ng kalooban ng Diyos ay nananatili magpakailanman."

"Upang sa pamamagitan ng kalooban ng Diyos ay dumating ako sa inyo na may kagalakan, at ako'y makapahinga na kasama ninyo."

"At tinawag niya ang karamihan pati ng kaniyang mga alagad, at sa kanila'y sinabi, Kung ang sinoman ay ibig sumunod sa akin, ay tumanggi sa kaniyang sarili, at pasanin ang kaniyang krus, at sumunod sa akin."

"At sinabi niya sa lahat, Kung ang sinoman ay ibig sumunod sa akin, ay tumanggi sa kaniyang sarili, at pasanin araw-araw ang kaniyang krus, at sumunod sa akin."

"At ang hindi nagpapasan ng kaniyang krus at sumusunod sa akin, ay hindi karapatdapat sa akin."

"Na siya, bagama't nasa anyong Diyos, ay hindi niya ibinilang na isang bagay na nararapat panangitan ang pagiging kapantay ng Diyos, kundi hinubaran niya ang kaniyang sarili, at naganyong alipin, na naging katulad ng mga tao; At palibhasa'y nasumpungan sa anyong tao, siya'y nagpakababa sa kaniyang sarili, na naging masunurin hanggang sa kamatayan, oo, sa kamatayan sa krus."

"Sapagkat tayo'y kaniyang gawa, na nilalang kay Cristo Jesus para sa mabubuting gawa, na ipinaghanda ng Diyos nang una pa upang ating lakaran."

"At kaniyang ipinahayag sa inyo ang kaniyang tipan, na kaniyang iniutos sa inyong tuparin, sa makatuwid baga'y ang Sangpung Utos; at kaniyang isinulat sa dalawang tapyas na bato."

"Ngayon nga, kung inyong susundin ang aking tinig nang buong katapatan, at iingatan ang aking tipan, kayo nga ang magiging aking tanging kayamanan sa lahat ng mga bayan: sapagkat ang buong lupa ay akin:"

"At ang Panginoon, ay siyang lumalakad sa unahan mo; siya'y sasa iyo, hindi ka niya kukulangin, ni pababayaan ka man: huwag kang matakot, ni manglupaypay."

"Ngunit kung ang masama ay humiwalay sa lahat ng kaniyang mga kasalanan na kaniyang nangagawa, at tuparin ang lahat ng aking mga palatuntunan, at gawin ang matuwid at tama, siya'y walang pagsalang mabubuhay, siya'y hindi mamamatay."

"Magbalik-loob kayo sa akin, sabi ng Panginoon ng mga hukbo, at ako'y magbabalik-loob sa inyo, sabi ng Panginoon ng mga hukbo."

"Sapagkat ang lahat ng pinapatnubayan ng Espiritu ng Diyos ay mga anak ng Diyos."

"Kaya't maging taga-tulad kayo sa Diyos, gaya ng mga minamahal na anak."

"Sapagkat dito kayo tinawag, dahil si Cristo man ay nagdusa para sa inyo, na nag-iwan sa inyo ng halimbawa, upang kayo'y sumunod sa kaniyang mga hakbang."

"Kaya nga, mga kapatid, lalo ninyong pagsikapan na patunayan ang inyong pagkatawag at pagkapili. Sapagkat kung gagawin ninyo ang mga bagay na ito ay hinding-hindi kayo matitisod kailanman, at kayo ay mayaman na tatanggapin sa walang hanggang kaharian ng ating Panginoon at Tagapagligtas na si Jesu-Cristo."

"Hindi kayo ang pumili sa akin, kundi ako ang pumili sa inyo at nagtalaga sa inyo upang kayo'y humayo at magbunga—bunga na mananatili—at upang anumang hingin ninyo sa Ama sa aking pangalan ay ibigay niya sa inyo."

"Sapagkat ang pagsasanay sa katawan ay may kaunting kapakinabangan, ngunit ang kabanalan ay kapaki-pakinabang sa lahat ng mga bagay, na may pangako sa buhay sa kasalukuyan at sa darating."

"At sila'y nanatiling matibay sa turo ng mga apostol at sa pakikisama, sa pagpipira-piraso ng tinapay at sa mga panalangin."

"Kundi ang bagay na ito ang iniutos ko sa kanila, na aking sinabi, ‘Sumunod kayo sa aking tinig, at ako'y magiging inyong Diyos, at kayo'y magiging aking bayan; at lumakad kayo sa lahat ng daan na aking iniuutos sa inyo, upang kayo'y mapabuti.’"

"At iniutos sa atin ng Panginoon na gawin ang lahat ng mga palatuntunang ito, na matakot sa Panginoon nating Diyos, sa ating ikabubuti sa lahat ng panahon, upang tayo'y kanyang panatilihing buhay, gaya sa araw na ito."

"Iyong tutuparin ang kaniyang mga tadhana at ang kaniyang mga utos na aking iniuutos sa iyo sa araw na ito, upang ikaw ay bumuti at ang iyong mga anak na kasunod mo, at upang iyong mapalawig ang iyong mga araw sa lupaing ibinibigay sa iyo ng Panginoon mong Diyos, magpakailanman."

"Kung hindi ninyo pakikinggan, at kung hindi ninyo isasapuso na bigyan ng kaluwalhatian ang aking pangalan, sabi ng Panginoon ng mga hukbo, ay magpapasapit nga ako ng sumpa sa inyo, at aking susumpain ang inyong mga pagpapala; oo, aking sinumpa na nga ang mga iyon, sapagkat hindi ninyo isinasapuso."

"At aking pararamihin ang iyong lahi na gaya ng mga bituin sa langit, at ibibigay ko sa iyong lahi ang lahat ng lupaing ito; at sa pamamagitan ng iyong lahi ay pagpapalain ang lahat ng bansa sa lupa; Sapagkat dininig ni Abraham ang aking tinig, at tinupad ang aking bilin, ang aking mga utos, ang aking mga palatuntunan, at ang aking mga kautusan."

"Kung kayo'y lalakad sa aking mga palatuntunan, at iingatan ninyo ang aking mga utos, at inyong gagawin; Ibibigay ko sa inyo ang ulan sa kanilang kapanahunan, at ang lupain ay magbibigay ng kanyang ani, at ang mga punongkahoy sa parang ay magbibigay ng kanilang bunga."

"Makinig ka, anak ko, at tanggapin mo ang aking mga sinasabi; at ang mga taon ng iyong buhay ay marami."

"Ngunit ang tumitingin nang masidhi sa sakdal na kautusan, ang kautusan ng kalayaan, at nananatili rito, na hindi tagapakinig na nakakalot kundi tagatupad na gumagawa, ang taong ito ay pagpapalain sa kanyang ginagawa."

"At tuparin mo ang tungkulin sa Panginoon mong Diyos, na lumakad sa kanyang mga daan, upang ingatan ang kanyang mga palatuntunan, ang kanyang mga utos, ang kanyang mga kahatulan, at ang kanyang mga patotoo, ayon sa nakasulat sa kautusan ni Moises, upang ikaw ay magtagumpay sa lahat ng iyong ginagawa, at sa bawat dako na iyong paroroonan."