37 Paglikha Mga Talata sa Bibliya

"At sinabi ng Panginoong Diyos, Narito, ang tao'y naging parang isa sa atin, na nakakakilala ng mabuti at ng masama; at baka ngayon ay iunat ang kaniyang kamay at pumitas din sa punongkahoy ng buhay, at kumain, at mabuhay magpakailan man: Kaya't pinalayas siya ng Panginoong Diyos sa halamanan ng Eden, upang kaniyang sakahin ang lupang pinagkunan sa kaniya."

"At siya'y sumagot at sinabi, Hindi ninyo ba nabasa, na ang lumalang sa kanila sa pasimula, ay nilalang sila na lalaki at babae, at sinabi, Dahil dito'y iiwan ng lalaki ang kaniyang ama at ina, at makikipag-pisan sa kaniyang asawa; at ang dalawa ay magiging isang laman? Kaya nga hindi na sila dalawa, kundi isang laman. Ang pinagsama nga ng Diyos, ay huwag ihiwalay ng tao."

"At sinabi ng Diyos, Magkaroon ng liwanag: at nagkaroon ng liwanag."

"Ngunit ngayon, Oh Panginoon, ikaw ay aming Ama; kami ang putik, at ikaw ang magpapalyok sa amin; at kaming lahat ay gawa ng iyong kamay."

"Magsiparito kayo, tayo'y magsisamba at magsisuko; tayo'y magsiluhod sa harap ng Panginoon na May-lalang sa atin."

"Ngunit sa ganang atin ay may isang Diyos lamang, ang Ama, na sa kaniya nagmula ang lahat ng mga bagay, at tayo'y sa kaniya; at isa lamang Panginoon, si Jesu-Cristo, na sa pamamagitan niya ang lahat ng mga bagay, at tayo'y sa pamamagitan niya."

"Alalahanin mo rin naman ang May-lalang sa iyo sa mga araw ng iyong kabataan, bago dumating ang mga masasamang araw, at ang mga taon ay lumapit, pagka iyong sasabihin, Wala akong kaligayahan sa mga yaon;"

"At sinabi ng Panginoong Diyos, Hindi mabuti na ang tao ay mag-isa; siya'y igagawa ko ng isang katulong na kapareha niya."

"Sa aba niya na nakikipagtalo sa May-lalang sa kaniya! ang basag na palayok sa mga basag na palayok sa lupa. Magsasabi baga ang putik sa nagbibigay anyo sa kaniya, Anong ginagawa mo? o ang iyong gawa, Siya'y walang mga kamay?"

"At ang bawat bagay na nilalang na nasa langit, at nasa ibabaw ng lupa, at nasa ilalim ng lupa, at nasa ibabaw ng dagat, at lahat ng mga bagay na nasa mga ito, ay narinig kong nanganagsasabi, Sa kaniya na nakaupo sa luklukan, at sa Kordero ay ang pagpapala, at kapurihan, at kaluwalhatian, at kapangyarihan, magpakailan man. Amen."

"Sapagkat sa kaniya tayo'y nangabubuhay, at kumikilos, at mayroon tayong pagka-ano; gaya naman ng sinabi ng ilan sa inyong sariling mga makata, Sapagkat tayo naman ay kaniyang lahi."

"Sa kaniyang sariling kalooban ay ipinanganak niya tayo sa pamamagitan ng salita ng katotohanan, upang tayo'y maging isang uri ng mga unang bunga ng kaniyang mga nilalang."

"Ang lahat ng mga bagay ay ginawa sa pamamagitan niya; at alinman sa lahat ng ginawa ay hindi nagawa kung wala siya."

"Ang tulong sa atin ay nasa pangalan ng Panginoon, na siyang gumawa ng langit at lupa."

"Kaya't kung ang sinoman ay kay Cristo, siya'y bagong nilalang: ang mga lumang bagay ay nakalipas na; narito, sila'y naging bago."

"At sinabi ng Diyos, Lalangin natin ang tao sa ating larawan, ayon sa ating wangis: at magkaroon sila ng kapangyarihan sa mga isda sa dagat, at sa mga ibon sa himpapawid, at sa mga hayop, at sa buong lupa, at sa bawat umuusad na hayop na gumagalaw sa ibabaw ng lupa."

"Ito ang araw na ginawa ng Panginoon; tayo'm mangatuwa at mangagalak dito."

"Siya na nagtatayo ng kaniyang mga silid sa langit, at naglalagay ng kaniyang arko sa lupa; siya na tumatawag sa mga tubig ng dagat at ibinubuhos sa ibabaw ng lupa; ang Panginoon ay kaniyang pangalan."

"Hindi mo ba naalaman? hindi mo ba narinig? ang walang hanggang Diyos, ang Panginoon, ang Maylalang ng mga wakas ng lupa, hindi nanginghimagod, ni napapagod man; walang makasasaliksik ng kaniyang unawa."

"Ginawa niya ang bawat bagay na maganda sa kapanahunan niya: inilagay rin niya ang sangkatauhan sa kanilang puso, gayon ma'y hindi matatalos ng tao ang gawa na ginawa ng Diyos mula sa pasimula hanggang sa wakas."

"Bago nalabas ang mga bundok, o bago mo nilikha ang lupa at ang sanglibutan, mula nga sa walang hanggan hanggang sa walang hanggan, ikaw ang Diyos."

"Sapagkat tayo'y kaniyang gawa, na nilalang kay Cristo Jesus para sa mabubuting gawa, na ipinaghanda ng Diyos nang una pa upang ating lakaran."

"Sa pamamagitan ng salita ng Panginoon ay nagawa ang mga langit; at lahat ng natatanaw doon ay sa pamamagitan ng hinga ng kaniyang bibig."

"Sapagkat sa kaniya, at sa pamamagitan niya, at sa kaniya, ang lahat ng mga bagay. Sumakaniya nawa ang kaluwalhatian magpakailan man. Amen."

"Aking itataas ang aking mga mata sa mga bundok; saan magmumula ang aking tulong? Ang tulong sa akin ay nagmumula sa Panginoon, na gumawa ng langit at lupa."

"Sapagkat bawat bahay ay may nagtayo; datapuwat ang nagtayo ng lahat ng mga bagay ay ang Diyos."

"Nang pasimula ay nilikha ng Diyos ang langit at ang lupa. At ang lupa ay walang anyo at walang laman; at ang kadiliman ay sumasa ibabaw ng kalaliman: at ang Espiritu ng Diyos ay sumasailalim sa ibabaw ng tubig."

"Sapagkat ang maningas na paghihintay ng nilalang ay naghihintay ng pagkahayag ng mga anak ng Diyos."

"At ang tadyang na kinuha ng Panginoong Diyos sa lalaki ay ginawang isang babae, at ito'y dinala niya sa lalaki. At sinabi ng lalaki, Ito nga'y buto ng aking mga buto, at laman ng aking laman: siya'y tatawaging Babae, sapagkat sa Lalaki siya kinuha. Dahil dito'y iiwan ng lalaki ang kaniyang ama at ang kaniyang ina, at makikipag-isa sa kaniyang asawa: at sila'y magiging isang laman."

"Sapagkat iyong inanyuan ang aking mga bato: iyo akong tinakpan sa bahay-bata ng aking ina. Ako'y magpapasalamat sa iyo; sapagkat kagulatgulat at kahanga-hanga ang pagkakagawa sa akin: kahanga-hanga ang iyong mga gawa; at iyan ay alam na alam ng aking kaluluwa."