93 Jesus Mga Talata sa Bibliya

"At si Jesus, na puspos ng Espiritu Santo, ay bumalik mula sa Jordan, at hinatid ng Espiritu sa ilang Loob ng apat na pung araw, na tinutukso ng diyablo. At hindi siya kumain ng anoman nang mga araw na yaon: at nang maganap ang mga yaon ay nagutom siya."

"Na siyang nagligtas sa atin sa kapangyarihan ng kadiliman, at naglipat sa atin sa kaharian ng Anak ng kaniyang pag-ibig; Na siyang kinaroroonan ng ating katubusan, na kapatawaran ng ating mga kasalanan:"

"Ako ang puno ng ubas, kayo ang mga sanga: Ang nananatili sa akin, at ako sa kaniya, ay siyang nagbubunga ng marami: sapagkat kung kayo'y hiwalay sa akin ay wala kayong magagawa."

"Sapagkat yamang sa pamamagitan ng tao ay dumating ang kamatayan, sa pamamagitan din naman ng tao ay dumating ang pagkabuhay na maguli sa mga patay."

"Sapagkat sa ganang akin ang mabuhay ay si Cristo, at ang mamatay ay pakinabang."

"At inilagay nila sa itaas ng kaniyang ulo ang pamagat sa kaniya na nasusulat: ITO SI JESUS ANG HARI NG MGA JUDIO."

"Ako ang mabuting pastol: ibinibigay ng mabuting pastol ang kaniyang buhay dahil sa mga tupa."

"At si Jesus, na sumigaw ng malakas na tinig, ay nagsabi, Ama, sa mga kamay mo ay ipinagtatagubilin ko ang aking espiritu: at pagkasabi nito, ay nalagot ang hininga."

"Nang matanggap nga ni Jesus ang suka, ay sinabi niya, Naganap na: at iniyuko ang kaniyang ulo, at isinuko ang kaniyang espiritu."

"Narito, siya'y pumaparito na kasama ng mga ulap; at makikita siya ng bawat mata, at ng mga nagsiulos sa kaniya; at ang lahat ng mga angkan sa lupa ay magsisitangis dahil sa kaniya. Oo, Amen."

"Sapagkat aking pinasiyahan na walang malaman na anoman sa kasama ninyo, kundi si Jesu-Cristo, at siya na napako sa krus."

"At tinawag niya ang karamihan pati ng kaniyang mga alagad, at sa kanila'y sinabi, Kung ang sinoman ay ibig sumunod sa akin, ay tumanggi sa kaniyang sarili, at pasanin ang kaniyang krus, at sumunod sa akin."

"At sinabi niya sa ka nila, Huwag kayong mangagulat: hinahanap ninyo si Jesus, ang Nazareno, na ipinako sa krus: siya'y nagbangon; wala siya rito: tingnan ninyo ang dakong pinaglagyan nila sa kaniya;"

"Narito, nagsisipanhik tayo sa Jerusalem; at ang Anak ng tao ay ibibigay sa mga pangulong saserdote at sa mga eskriba; at kanilang hahatulan siya ng kamatayan, At ibibigay siya sa mga Gentil upang siya'y alimurahin, at hampasin, at ipako sa krus: at sa ikatlong araw ay muling mabubuhay."

"Wala siya rito, kundi nabuhay na maguli: alalahanin ninyo kung paanong nagsalita siya sa inyo nung siya'y nasa Galilea pa, Na sinasabi, Kinakailangang ang Anak ng tao ay ibigay sa mga kamay ng mga taong makasalanan, and ipako sa krus, at mabuhay na maguli sa ikatlong araw."

"At sinabi ni Jesus, Ama, patawarin mo sila; sapagkat hindi nila nalalaman ang kanilang ginagawa. At sa pagbabahagi ng kaniyang mga kasuutan ay nagpalabunutan sila."

"At ang hindi nagpapasan ng kaniyang krus at sumusunod sa akin, ay hindi karapatdapat sa akin."

"Na siya, bagama't nasa anyong Diyos, ay hindi niya ibinilang na isang bagay na nararapat panangitan ang pagiging kapantay ng Diyos, kundi hinubaran niya ang kaniyang sarili, at naganyong alipin, na naging katulad ng mga tao; At palibhasa'y nasumpungan sa anyong tao, siya'y nagpakababa sa kaniyang sarili, na naging masunurin hanggang sa kamatayan, oo, sa kamatayan sa krus."

"Na masidhing nakatitig kay Jesus na may-akda at tagatapos ng ating pananampalataya, na dahil sa kagalakang inilagay sa harapan niya ay nagtiis ng krus, na binalewala ang kahihiyan, at umupo sa kanan ng luklukan ng Diyos."

"Tunay na kaniyang dinala ang ating mga karamdaman, at dinala ang ating mga kapighatian; gayon ma'y ating ibinilang siya na hinampas, sinaktan ng Diyos, at pinahirapan."

"Ngunit sa ganang atin ay may isang Diyos lamang, ang Ama, na sa kaniya nagmula ang lahat ng mga bagay, at tayo'y sa kaniya; at isa lamang Panginoon, si Jesu-Cristo, na sa pamamagitan niya ang lahat ng mga bagay, at tayo'y sa pamamagitan niya."

"Kaya't kung ang sinoman ay kay Cristo, siya'y bagong nilalang: ang mga lumang bagay ay nakalipas na; narito, sila'y naging bago."

"Sapagkat tayo'y kaniyang gawa, na nilalang kay Cristo Jesus para sa mabubuting gawa, na ipinaghanda ng Diyos nang una pa upang ating lakaran."

"Datapuwat ngayon ay nagkamit siya ng ministeryong lalong higit na mahusay, palibhasa'y siya naman ang tagapamagitan ng isang lalong mabuting tipan, na itinatag sa lalong mabubuting pangako."

"Datapwat nang makita nila na siya'y lumalakad sa ibabaw ng dagat, ay inakala nila na yao'y isang multo, at nagsisigaw; sapagkat nakita siya ng lahat, at nangaligalig. Datapwat pagdaka'y nagsalita siya sa kanila, at sa kanila'y sinabi, “Laksan ninyo ang inyong loob: ako nga; huwag kayong matakot.”"

"Mula noon ay nagpasimulang nangaral si Jesus, at nagsabi, “Mangagsisi kayo; sapagkat malapit na ang kaharian ng langit.”"

"Hindi ako naparito upang tawagin ang mga matuwid, kundi ang mga makasalanan sa pagsisisi."

"Katotohanan, katotohanang sinasabi ko sa inyo, Ang tumatanggap sa sinumang aking suguin ay ako ang tinatanggap; at ang tumatanggap sa akin ay tinatanggap ang nagsugo sa akin."

"Walang magiging Judio o Griego man, walang magiging alipin o laya man, walang magiging lalaki at babae man; sapagkat kayong lahat ay iisa kay Cristo Jesus."

"Mga babae, pasakop kayo sa inyong sariling mga asawa, gaya ng sa Panginoon. Sapagkat ang lalaki ay ulo ng babae, gaya naman ni Cristo na ulo ng simbahan, na siya rin ang Tagapagligtas ng katawan."